നിയമസഭാ സമുച്ചയം എന്നത്‌ പതിനൊന്ന് ഏക്കറിന്റെ കേവലം ഗണിത വിസ്തീർണ്ണമല്ല. നിയമസഭാ സമുച്ചയം പ്രകൃതിയുടെ ഒരു ജൈവ വിസ്താരമാണ്; നഗരത്തിന്റെ ഒരു കുഞ്ഞു ശ്വാസകോശ സ്ഥലി. മണ്ണും മരങ്ങളും ഗോശാലയും ജനാധിപത്യത്തിന്റെ ശ്രീകോവിലിന്റെ പരിസര സാന്നിധ്യങ്ങളാകുന്ന ഒരിടം. മഴവെള്ള സംഭരണി, ജൈവ മാലിന്യ സംസ്കരണം, സൗരോർജ പദ്ധതി, കടലാസ് രഹിത നിയമസഭ... അങ്ങിനെ പ്രകൃതി സൗഹൃദമായി സഭാ സമുച്ചയത്തെ നിലനിർത്താൻ നമുക്ക് കൈ കോർക്കാം. ഇതിന്റെ ഭാഗമായാണ് മരങ്ങൾ സ്വയം പരിചയപ്പെടുത്തുന്ന ഡിജിറ്റൽ ഉദ്യാനം തയ്യാറാക്കിയിട്ടുള്ളത്. പ്രകൃതിയെ പരിചയപ്പെടാനും അറിയാനും സ്നേഹിക്കാനും ഒരിടം…..നിയമസഭാ ഡിജിറ്റൽ ഉദ്യാനം.

ഒരു തൈ നടുമ്പോൾ
ഒരു തണൽ നടുന്നു.
നടു നിവർക്കാനൊരു
കുളിർ നിഴൽ നടുന്നു.
പകലുറക്കത്തിനൊരു
മലർവിരി നടുന്നു.
            - ഒ. എൻ. വി

Garden Links